Urganchlik 30 yoshli Sherzod Artiqov mast holda o‘g‘irlikka qo‘l urib, Toshkentga qochib keldi, ammo bu yerda ham o‘g‘rilik sodir etishga harakat qilib, huquq-tartibot xodimlari qo‘liga tushdi. Bu haqda “Huquq” gazetasi yozmoqda.
Aytilishicha, Artiqov bir qarindoshining uyiga borib, u yerda xonadon kelinining yolg‘izligini ko‘rgan va vaziyatdan foydalanib qolishga qaror qilgan. U kelinni qo‘rqitib, 100 dollar, 50 ming so‘m, narxlari 700 ming va 100 ming bo‘lgan ikkita telefonni olib, uydan chiqib ketgan. O‘z uyiga borishga qo‘rqib, Toshkentga yo‘l olgan.