Италиянинг “Милан” жамоаси бош мураббийи Синиша Михайлович ҳужумчи Марио Балотеллини парҳез тутишга мажбур қилмоқда. Бу ҳақда The Telegraph нашри ёзмоқда.
“Марио яхши шуғулланмоқда, аммо унда 3 кг ортиқча вазн бор. Айни пайтда у парҳезга кирган ва фақат тайёр бўлганида майдонга тушади”, - деди мутахассис.
“Милан” Балотеллини “Ливерпул”дан 1 йилга ижарага олди. Футболчи 2014 йилда “Милан”дан “Ливерпул”га 16 млн фунт стерлингга ўтган эди, аммо у Англия жамоаси таркибида яхши ўйин намойиш эта олмади.