Англия терма жамоаси 2016 йилги Европа чемпионатининг финал босқичига чиққан илк жамоа бўлди

Спорт 05 Сентябрь 2015 2327

Англия терма жамоаси 2016 йилги Европа чемпионатининг финал босқичига чиққан биринчи жамоа бўлди. 5 сентябрда инглизлар меҳмонда Сан-Марино терма жамоасини 0:6 кўринишдаги йирик ҳисобда мағлуб этдилар. 

Тўплардан бирини Уэйн Руни киритди ҳамда Англия терма жамоаси учун киритган тўплари сони бўйича Бобби Чарльтоннинг рекордини такрорлади. Футболчи Англия терма жамоаси сафида ўзининг 49-тўпини киритди.
Шунингдек, ушбу ўйинда “Арсенал” ўйинчиси Тео Уолкотт дублга эришди.

Евро-2016. E гуруҳи. 7- тур
Сан-Марино – Англия – 0:6
Голлар: Руни, 13 (0:1, пен); Бролли, 30 (0:2, автогол); Баркли, 46 (0:3); Уолкотт, 68 (0:4); Кейн, 77 (0:5); Уолкотт, 78 (0:6).
Огоҳлантириш: Берарди, 12 (Сан-Марино).

Ушбу гуруҳдан ўрин олган яна бир учрашувда Эстония ўз қўшниси Литва устидан 1:0 ҳисобида минимал устунликка эришди. Учрашувдаги ягона тўпни 71-дақиқада Константин Васильев киритди.

Эстония – Литва – 1:0
Гол: Васильев, 71 (1:0).
Огоҳлантиришлар: Пурье, 79; Дмитриев, 87 – Матулявичус, 30; Жалюкас, 65; Чеснаускис, 69.

E гуруҳидаги вазият: 1. Англия – 21 очко (7 ўйин); 2. Швейцария – 12 (6); 3. Эстония – 10 (7); 4. Словения – 9 (6); 5. Литва – 6 (7); 6. Сан-Марино – 1 (7).

Кўпроқ янгиликлар