Испания терма жамоаси бош мураббийи Висенте Дель Боске дарвозабон Давид Де Хеанинг “Манчестер Юнайтед”нинг асосий таркибидан тушиб қолиши мумкинлиги ҳақидаги гап-сўзларга муносабат билдирди.

“Мен Де Хеага, агарда у клуб таркибида ўйнамаса, термага жалб қилинмаслигини тушунтирдим”, - деди у.
Шунингдек, у бошқа дарвозабон – Виктор Вальдеснинг термадаги тақдирига ҳам тўхталиб ўтди: “Мен бу масалада узоқ ўйладим. Уни таклиф қилиш учун бироз жасоратимиз етмади назаримда. Вальдес Касильяс ва Рейнадан кейинги учинчи дарвозабон бўлганида ишга бўлган муносабати юқори даражада эди”.