Европа Иттифоқи Беларусь ва Арманистон билан ҳамкорликнинг ўзига хос усулини ишлаб чиқади. Бу ҳақда ЕИда раислик қилаётган Люксембургнинг ташқи ишлар вазири Жан Ассельборн баёнот берди.
Унинг сўзларига қараганда, янги келишув бу мамлакатларни ЕИ давлатлари билан мустаҳкам боғлаб туради, лекин ўртадаги мажбуриятлар ва келишувлар ЕИ иқтисодий уюшмаси даражасида яқинлик яратмайди.

“Биз кўприклар бузилмаслигига ҳаракат қилмоқдамиз. Уюшув ҳақидаги келишувнинг имкони йўқлигини тушунамиз, шу боис ҳамма тарафлар яхшироқ, осонроқ вариант топишга ён босмоқда. Бу икки мамлакат билан шундай алоқа ўрнатилишига барча рози. Лекин бу уюшув ҳақидаги келишув эмас, у бу ўринда ишламайди. Бунинг даражаси пастроқ бўлади, қандай номланишини ҳозир айта олмайман”, - унинг сўзларини келтиради РИА Новости.
Янги келишувда, хусусан, божхона имтиёзлари кўзда тутилмаслиги айтиб ўтилди.