Евро-2016 саралаш босқичи D гуруҳи 7-турида Грузия терма жамоаси ўз уйида Шотландияни 1:0 ҳисобида мағлуб этди. Учрашув Тбилисидаги “Динамо-Арена — Борис Пайчадзе” стадионида бўлиб ўтди. Учрашувдаги ягона тўпни 37-дақиқада Валерий Казаишвили киритди.

Евро-2016. D гуруҳи. 7-тур
Грузия – Шотландия – 1:0
Голлар: Казаишвили, 37 (1:0).
Огоҳлантиришлар: Кашия, 10; Жано, 44; Наваловский, 78 (Грузия).

Шу гуруҳдан ўрин олган яна бир учрашувда Германия Польша билан учрашди. Учрашув Франкфуртда бўлиб ўтди ва 3:1 ҳисобида немислар ҳисобига ҳал бўлди.

Германия терма жамоасида тўпларни Томас Мюллер ва Марио Гётце (дубль) киритдилар. Жавоб тўпини ўз ҳисобига Роберт Левандовски ёзиб қўйди. Шу ғалаба эвазига Германия 16 очко тўплаган ҳолда D гуруҳи пешқадамига айланди. Польша 14 очко билан 2-ўринни эгалламоқда.

Германия – Польша – 3:1
Голлар: Мюллер, 12 (1:0); Гётце, 19 (2:0); Левандовски, 36 (2:1); Гётце, 82 (3:1).
Огоҳлантиришлар: Кроос, 61; Швайнштайгер, 79 – Рыбусь, 8; Гросицки, 66.

Гуруҳдан ўрин олган яна бир учрашувда Ирландия меҳмонда Гибралтарни 0:4 ҳисобида мағлуб этди. Голларни Сайрус Кристи, Робби Кин (дубль) ва Шейн Лонг киритдилар. Ирландлар 12 очко жамғарган ҳолда гуруҳда 3-ўринни эгалламоқдалар. Гибралтар эса бирорта ҳам очко қўлга киритмаган ҳолда охирги ўринни эгалламоқда.

Гибралтар – Ирландия – 0:4
Голлар: Кристи, 27 (0:1); Кин, 50 (0:2); Кин, 52 (0:3, пен); Лонг, 79 (0:4).
Огоҳлантиришлар: Кашаро, 9; Барнетт, 48 – Уолтерс, 42.

D гуруҳидаги вазият: 1. Германия — 16 очко (7 та ўйин); 2. Польша — 14 (7); 3. Ирландия — 12 (7); 4. Шотландия — 11 (8); 5. Грузия — 9 (8); 6. Гибралтар — 0 (7).