Одесса вилояти ҳокими Михеил Саакашвили видеомурожаат тайёрлаб, унда Украина бош вазири Арсений Яценюкка “фактлар тилида” айбловлар қўйди.

Илгарироқ Яценюк Саакашвилининг олигархлар ҳокимиятга таъсир ўтказаётгани ҳақидаги сўзларини инкор қилган эди. Бунга жавобан Грузиянинг собиқ президенти махсус видеомурожаат йўллаб, Яценюкнинг хатти-ҳаракатлари Украинага жиддий зарар келтирганини таъкидлаб ўтди.

“Ушбу ҳукумат фаолиятининг охирги йилида давлат корхоналарига 100 млрд гривна (4.5 млрд доллар) зарар етказилди, - таъкидлайди Саакашвили. – Бу корхоналар даромад келтиради, албатта, аммо улар олигархларга даромда келтиради. Улар украиналикларга зарар келтираётгани боис одамлар уларга ўз пенсиялари ва маошларидан субсидиялар ажратмоқда. Мана шу олигархлар таъсирининг исботидир”.