АҚШ президентлигига республикачилардан номзод бўлган сиёсатчи ва миллиардер Дональд Трамп афсонавий баскетболчи Карим Абдулжабборни танқид остига олди.
Абдулжаббор The Washington Post’даги мақоласида Трампни “Америкага яхшилик олиб келмайдиган безори” деб атаган эди.

“Ҳурматли Карим, нега матбуот ҳар доим сизга ёмон муносабатда бўлганини энди тушундим. Гап шундаки, сиз Американинг буюклиги учун нима қилиш кераклиги ҳақида ҳеч балони тушунмайсиз. Энг яхши тилаклар билан, Дональд Трамп”, - деб ёзди ёзди миллиардер ижтимоий тармоқлардан бирида.
Карим Абдулжаббор бу эътирозларни жавобсиз қолдирмади.
“Трампнинг мақоламга жавоби сўзларимнинг энг яхши тасдиғидир.

Мана у яна унинг фикрига қўшилмаган одамга ҳужум қилмоқда, лекин бирор нимани исботламоқчи эмас, оддий мактаб тўполонидагидай “сен ҳеч кимга ёқмайсан” қабилидаги ҳақоратлардан фойдаланмоқда. Бунинг моҳиятига қаранг, ва сиз конституцияга хилоф иш тутилганини кўрасиз, бу ахир қўрқитиш йўли билан матбуотнинг унини ўчиришдир”, - деди у.