Хитой саноат ва тижорат банки Россия ҳудудида 100дан ортиқ офисини ташкил этишни режалаштирмоқда. Бу ҳақда Шарқий иқтисодий форумдаги чиқиши чоғида банк президенти ўринбосари Жан Хонгли маълум қилди.

“Истиқболда биз Россияда банкимизнинг 100дан ортиқ филиалини очмоқчимиз, бу орқали Россия аҳолисига молиявий хизматларимизни кенгроқ тақдим этамиз”, - деди у.
Унинг фикрича, “Россия иқтисодиёти ҳеч қандай чегарага эга эмас – у тубсиздир”.
Шунингдек, у шу йўл билан Россиядаги молиявий операцияларда юаннинг иштирок этиши таъминланишига умид билдирди.