Жанубий Корея президенти Пак Кин Хе ва Иордания қироли Абдуллоҳ II 11 сентябрда Сеулда икки томонлама учрашув ўтказадилар. Бу учрашув давомида иқтисодий ҳамкорлик, террорчиликка қарши курашиш, муҳтож давлатларга инсонпарварлик ёрдами тақдим қилиш масалалари муҳокама қилинади. 

Қирол Абдуллоҳ II 10 сентябрда Сеулга икки кунлик ташриф билан келади. Иордания етакчисининг Жанубий Кореяга бу ташрифи 1999 йилдан бери 6-ташрифи бўлади.
“Бизнинг давлатларимиз орасида яқин алоқалар мавжуд бўлиб, ташриф пайтида Сеул ва Амман олдида террорчиликнинг тарқалиши ва муҳтож давлатларга инсонпарварлик ёрдами тақдим қилиш муаммоларини ҳал қилишдаги ҳамкорлик масалаларини муҳокама қилиш имконияти пайдо бўлади”, деб Жанубий Корея президенти маъмурияти вакилининг айтган сўзларини келтириб ўтди “Ренхап” ахборот агентлиги.

Бундан ташқари кун тартибидан икки томонлама иқтисодий ҳамкорлик масалалари ҳам ўрин олган.