Москвада Шаҳар кунини нишонлашга бағишланган тадбирларда 4 млн дан зиёдроқ одам иштирок этди. Бу ҳақда Москва бўйича Россия ИИВнинг бош бошқармаси матбуот хизмати бошлиғи Андрей Галиакберов маълум қилди.

“Байрам тадбирларининг ўтказилиши пайтида ҳеч қандай фавқулодда вазиятларга йўл қўйилмади. Фуқароларнинг хавфсизлиги тўлиқ ҳажмда таъминланди”, деб айтди Галиакберов.

Мосва шаҳри куни – Москвада ҳар йили анъанавий тарзда ўтказиладиган байрам бўлиб, сентябрь ойининг биринчи шанбасида нишонланади. Бу куни бутун шаҳар бўйлаб халқ сайллари ва концертлар бўлиб ўтади. Шаҳар куни байрамона салют билан ниҳояланади.
2015 йилда Москва бу байрамнинг 868 йиллигини нишонлади.