Одесса вилояти ҳокими Михеил Саакашвили украиналик олигарх Игорь Коломойскийнинг айбловларига жавоб берди. Уларнинг баҳси Facebook саҳифаларида бўлиб ўтмоқда.
Илгарироқ Коломойский Грузиянинг собиқ президентини итга ўхшатган эди. Бунга жавобан сиёсатчи тижоратчини Россия президенти Владимир Путинга ўхшатди.
“Украина олигархати, Путин каби, Украина давлатининг тикланишига халақит бермоқда ва сиёсий коррупциянинг бирламчи манбаси бўлиб қолмоқда”, - деб ёзди Саакашвили ўз саҳифасида.
“Олигарх мени итдай ухлатиб қўйишни таклиф қилди, - сўзида давом этди у. - Мени сотиб ололмаганларидан кейин олигархатга хос кейинги сценарийга ўтди – таҳдидлар. Ўйлайманки, Украина халқи яқинда бу безорилик ўн йилликлари қолдиқларига ўз ўрнини кўрсатиб қўяди”.