Шанхай халқаро тадқиқотлар университетида (SHISU) шу ўқув мавсумида ўзбек тили кафедраси очилади. Бу ҳақда “Жаҳон” ахборот агентлиги университет сайтидаги маълумотга таянган ҳолда маълум қилди.

Айтилишича, 2005 йили Тошкентда, 2014 йили эса Самарқандда Конфуция институтлари очилиши, 2013 йилда Шанхайда Ўзбекистон тадқиқотлари марказининг очилиши ўртадаги ҳамкорлик натижаси бўлди. Ушбу ҳамкорликнинг давоми ўлароқ машҳур университетда ўзбек тили ўргатила бошланади.