Таиланд ислоҳотлар бўйича миллий кенгаши янги конституция лойиҳасини рад қилди. Бу ҳақда маҳаллий матбуот орқали хабар қилинди.
Кенгаш делегатларининг 135 нафари лойиҳага қарши овоз берди, 100 нафари лойиҳани ёқлади. Лойиҳа мамлакатнинг ҳарбий ҳукумати томонидан тақдим этилган эди. Кенгаш лойиҳани қабул қилиши кутилаётган эди.
Кенгаш конституция лойиҳасини демократия принципларига зид деб топди, негаки у “миллий инқироз” ҳолатида фавқулодда ҳарбий органни чақириб, ҳукумат ваколатларини унга топширишни назарда тутади.
Шу билан бирга, кенгаш қарори ҳарбий ҳукумат ваколатларининг яна 6 ойга узайишига ва демократик сайловларнинг номаълум муддатга қолдирилишига олиб келади. Экспертларнинг фикрича, мамлакатда сайловлар 2017 йилда бўлиб ўтиши мумкин.