Том Круз иштирокидаги “Уддалаб бўлмас топшириқ: қаллоблар қабиласи” (Mission: Impossible - Rogue Nation) фильми дунё кинотеатрларида 500 млн доллардан зиёд маблағ жамлади. Бу ҳақда Paramount Pictures кинокомпанияси хабар берди.

Мазкур картина “Уддалаб бўлмас топшириқ” фильм-франшизлари ичида энг кўп даромад келтирди. Унгача “Уддалаб бўлмас топшириқ-3” фильми 397,8 млн доллар фойда келтирган бўлса, “Уддалаб бўлмас топшириқ-4” эса фильм ижодкорларига 457,7 млн долларлик даромад олиб келди.

“Уддалаб бўлмас топшириқ” франшизлари тўплаган умумий маблағ эса 2,605 млрд долларни ташкил этади. Ушбу кўрсаткич билан у шу турдаги жаҳон фильмлари рўйхатида 17-ўринни банд этди. Мазкур рўйхатни Marvel (Marvel Cinematic Universe) франшизи 12та фильм билан 8,945 млрд доллар жамғариб етакчилик қилиб келмоқда.