6 сентябрь оқшомида Евро-2016 саралаши босқичининг А, В ва Н гуруҳларида 8-тур ўйинлари ўтказилди.

А гуруҳида Исландия Қозоғистон билан 0:0 ҳисобидаги дуранг натижадан кейин гуруҳда муддатидан олдин камида иккинчи ўринни олиш имкониятини таъминлади ва ўз тарихида илк марта Европа чемпионатига йўл олди.
Шунингдек, бу турни сафарда Латвияга қарши ўйинда 2:1 ҳисобида ғалаба қозонган чехлар ҳам турнирга муддатидан олдин чиқишди.
Туркияда мезбонлар ва Голландия терма жамоаси ўртасида ўтказилган муҳим ўйинда Фотиҳ Терим шогирдлари 3:0 ҳисобида ғалаба қозониб, учинчи ўринга кўтарилиб олди. Агар ўринлар кейинги 2 тур натижаларига кўра ўзгармаса, Голландия 2016 йили Францияга бормайди.

Исландия – Қозоғистон 0:0 (0:0, 0:0)
Огоҳлантиришлар: Гудмундссон (20), Жолчиев (30), Нусирбоев (40), Суюмбоев (64), Логвиненко (70), Меркель (75), Гуннарссон (80).
Четлатиш: Гуннарссон (89).

Латвия – Чехия 1:2 (0:2, 1:0)
Голлар: 0:1 – 13 Лимберски, 0:2 – 25 Дарида, 1:2 – 73 Зюзин.
Огоҳлантиришлар: Максименко (45), Дубра (55).

Туркия – Голландия 3:0 (2:0, 1:0)
Голлар: 1:0 – 8 Озъяқуб, 2:0 – 26 Туран, 3:0 – 85 Йилмаз.
Огоҳлантиришлар: Туран (24), ван Перси (36), ван дер Виль (62), Озбайракли (69), Балта (74), Озъяқуб (75), Туфан (87).

 

В гуруҳида ҳам Уэльс ва Бельгия терма жамоалари гуруҳдан чиқиш масаласини деярли ҳал қилишди. 8-турда Уэльс Исроил билан 0:0 ҳисобида дуранг ўйнади ва очколари сонини 18тага етказиб, гуруҳ етакчилигини сақлаб қолди. Сафарда Кипрни 1:0 ҳисобида мағлуб этган бельгияликлар эса 17 очко билан иккинчи ўринда кетишмоқда. 6 сентябрь куни Босния ва Герцоговина Андоррани 3:0 ҳисобида енгди, лекин бу терма жамоа биринчи ва иккинчи ўрин учун курашдан чиққан. Учинчи ўринда 13 очкога эга исроилликлар, тўртинчи ўринда 11 очко билан боснияликлар жойлашишган.

Кипр – Бельгия 0:1 (0:0, 0:1)

Гол: 0:1 – 86 Азар.
Огоҳлантиришлар: Антониадис (47), Деметриу (61), Икономидис (73), Компани (90).

Босния ва Герцеговина – Андорра 3:0 (3:0, 0:0)
Голлар: 1:0 – 14 Бичакчич, 2:0 – 30 Джеко, 3:0 – 45 Лулич.
Огоҳлантиришлар: Ибишевич (21), Мартинес (53), Айяла (63), Хаджич (66), Ребес (71).
Четлатишлар: Бешич (63), Родригес Сория (64).

Уэльс – Исроил 0:0 (0:0, 0:0)
Огоҳлантиришлар: Дабур (18), Даса (45), Дгани (56), Натхо (56), Ричардс (59), Битон (61), Робсон-Кану (79).

 

Н гуруҳида эса саралаш босқичи якунланишига 2 тур қолганида вазият чигаллашган. Шу пайтгача гуруҳда биринчиликни бермай келган Хорватия терма жамоаси сафарда 0:2 ҳисобида норвегларга мағлуб бўлгач, учинчи ўринга тушиб кетди. Италия эса ўз майдонида Болгарияни 1:0 ҳисобида енгиб, очколари сонини 18тага етказган ҳолда биринчи ўринга кўтарилиб олди. Айни вақтда Норвегияда 16, Хорватияда 15 очко тўпланган. Болгария 8 очко билан 4чи ўринда қолди. Гуруҳ аутсайдерлари Мальта ва Озарбайжон ўртасидаги баҳс 2:2 ҳисоби билан якунланди.

Норвегия – Хорватия 2:0 (0:0, 2:0)

Голлар: 1:0 – 51 Бергет, 2:0 – 69, автогол Чорлука.
Огоҳлантиришлар: Врсалько (36), Форрен (38), Брозович (50), Тофт-Содерлунд (59), Олич (71), Хегли (75).

Мальта – Озарбайжон 2:2 (0:1, 2:1)
Голлар: 0:1 – 36 Амиргулиев, 1:1 – 55 Мифсуд, 2:1 – 71 Эффионг, 2:2 – 80 Амиргулиев.
Огоҳлантиришлар: Эффионг (45)


Италия – Болгария 1:0 (1:0, 0:0)
Гол: 1:0 – 6, пенальти де Росси.
Огоҳлантиришлар: Минев (58), Рангелов (80), Дьяков (85).
Четлатишлар: де Росси (55), Мицански (56).