Исроил муҳожирларга қарши курашиш доирасида Иордания билан чегарасида тўсувчи иншоотлар қурадиган бўлди, деб ёзмоқда The New York Times нашри.

Бу ҳақда Исроил бош вазири Биньямин Нетаньяху маълум қилди.

Нетаньяху муҳолиф сиёсатчиларнинг суриялик қочқинларни қабул қилиш ҳақидаги таклифларини рад этди ва Исроил ўзи “шундоқ ҳам кичкина давлат” эканлигини рўкач қилди.

Аввалроқ Буюк Британия ҳукумати мамлакат миллий бюджетидан суриялик қочқинларни жойлаштириш ва уларга ёрдам кўрсатиш мақсадида 18 млрд долларга яқин маблағ ажратишни режалаштираётгани маълум қилинганди. Бу ҳақда қироллик молия вазири Жорж Осборн маълум қилган.