Молдавия пойтахти Кишинёв шаҳридаги аэропортда Life News телеканалининг тасвирга олиш гуруҳи қўлга олинди. Бу ҳақда телеканал сайтида маълум қилинган.

Молдавия пойтахтига киритилмаган журналистлардан бири Алексей Казанниковнинг гувоҳлик беришича, ундан репортаж муҳрланган хотира картаси ва паспорти ҳам олиб қўйилган.

Айни вақтда бу журналистлар Москвага қайтиб учиб кетишни кутишмоқда.

Эслатиб ўтамиз, 5 сентябрь куни Кишинёвда ҳукуматга қарши ўтказилаётган митингда 100 минг киши тўпланди.
Митинг “Адолат ва ғурур” ташкилоти томонидан ўтказилмоқда. Ундан кўзланган мақсад президент Николае Тимофтининг истеъфосига эришиш ва навбатдан ташқари парламент сайловларини 2016 йил мартига кўчириш ҳисобланади.