Британиядаги машҳур ёдгорлик –Стоунхенж остидан неолит даврига оид диний иншоот топилди. У 4.5 м гача бўлган тошлардан ташкил топган.
Монолитлар 90 см чуқурликдан радарлар ёрдамида топилди.

Археологларнинг фикрича, қадимда улар айланма шаклида бўлмай, тўғри чизиқни ташкил қилган ва зиёратчиларга йўл кўрсаткич вазифасини бажарган. Бу топилма ҳақида The Telegraph нашри ёзди.
Топилма Стоунхенж яқинидаги ва ўша даврга оид Даррингтон Уоллс ёдгорлиги ўрнида топилди.
“Бу Европадаги энг йирик мегалитик иншоотлардан биридир, у 4 минг йил давомида сир бўлиб келди. Биз бу тошларнинг минерал таркибини ҳозирча билмаймиз. У театрал эффект беришга, одамларни ҳайрон қолдиришга қаратилган”, - деди лойиҳа раҳбари Винс Гэфни.