Бир неча ой аввал Samsung компанияси Tizen операцион тизимида ишлайдиган Z3 смартфонини ишлаб чиқариши ҳақида маълумотлар пайдо бўлган ва қурилмага 5 дюймли Super AMOLED дислпей ҳамда 4 ядроли Spreadtrum SC7730S процессори ўрнатишили тахмин қилинган эди.

Кеча (6 сентябрь) тармоқда ушбу смартфоннинг жонли сурати пайдо бўлди. Суратда қурилма Z1 смартфонига нисбатан сезиларли даражада катта эканини кўриш мумкин. Шунингдек, смартфоннинг “Уй” тугмаси ҳам чўзинчоқ кўринишга келиб, корейс гигантининг бошқа смартфонлариники каби кўринишга келтирилди.

Ҳозирда смартфон ҳақида бошқа маълумотлар ошкор қилинмаган.