Туркияда Курдистон ишчи партияси жангарилари Туркия армиясининг зирҳли техникаси колоннасига уюштирган ҳужуми оқибатида 16 нафар турк аскари ҳалок бўлди, деб хабар бермоқда Reuters ахборот агентлиги. 

Туркия ҳукумати жангарилар Хаккарий вилоятида колоннага ҳужум қилишда портловчи қурилмалардан фойдаланганларини тасдиқлади.

Жангарилар ҳужумидан кейин турк ҳарбийлари Курдистон ишчи партиясининг 23 та жойлашган ўрнига авиазарбалар берди.

Турк армиясида портлашлар оқибатида яна 6 киши жароҳат олгани, бироқ улардан ҳеч қайси бирининг аҳволи оғир эмаслиги таъкидлаб ўтилди.