Россияда ярим йил натижаларига кўра ночорлар сони йиллик ифодада 14,8 фоизга, яъни 21,7 млн кишига етди. Бундан Россия статистика қўмитасининг янги маълумотлари дарак бермоқда. 

Жорий йилнинг 2-чораги якунларига кўра, Россияда кун кечириш минимуми ойига 10017 рублни, меҳнатга қодир аҳоли учун 10 792 рублни, пенсионерлар учун 8210 рублни, болалар учун 9806 рублни ташкил қилди.

Аввалроқ Россияда болалар учун кун кечириш минимуми 3,3 фоизга оширилгани маълум қилинган эди.

Бутунроссия жамоатчилик фикрини ўрганиш маркази маълумотларига кўра, Россияда 22,7 минг рублга “учма-уч кун кечириш” мумкин. Бунда ойига 13 минг рублдан кам даромадга эга россияликлар аҳолининг ночор қатламларига саналади.