Шри-Ланкада ёввойи фил маҳаллий журналист Прийанта Ратнайакани топтаб ташлади. Бу ҳақда Can Indian News нашри маълум қилди.

Воқеа сайёҳлар орасида оммабоп бўлган Миннерия миллий боғида юз берди. Фил ҳужум қилгандан кейин 43 ёшли журналист шифохонага етказилди ва олинган жароҳатлардан шу ерда жони узилди. Воқеанинг бошқа тафсилотлари келтирилмаган.

РИА Новости ахборот агентлигининг маълумотига кўра, Шри-Ланкада филларнинг ҳужуми оқибатида охирги йилда 70 дан кўпроқ одам ҳалок бўлган. Шу вақт ичида 150 га яқин фил ўлдирилган.

Шри-Ланкада филлар муқаддас ҳайвон ҳисобланади. Бироқ шунга қарамасдан охирги йилларда уларнинг сони кескин камайиб кетди, бунга уларнинг фермерлар томонидан отиб ташланаётгани сабаб бўлмоқда. Айни кунда мамлакатда 7,5 мингга яқин фил мавжуд.