Американинг Apple компанияси бугун (9 сентябрь) ўзининг янги смартфони – катталаштирилган дисплейга эга iPhone 6S Plus’ни тақдим этади.

Янги смартфоннинг кўргазмаси Тошкент вақти билан соат 22:00да Сан-Францискодаги Bill Graham Civic Auditorium биносида бўлиб ўтади.

Тахминларга кўра, қурилма янги операцион тизим – iOS 9’да ишлайди. Бундан ташқари, унга яхшиланган дисплей ва камера ўрнатилиши, шунингдек, смартфон янги рангларда чиқарилиши кутилмоқда.

Шунингдек, 9 сентябрь куни янгиланган кўп функцияли қўшимча ТВ – Apple TV ҳам тақдим этилади.

Маълумот учун, Apple’нинг сўнгги катталаштирилган экранга эга бўлган iPhone 6 ва iPhone 6 Plus смартфонлари сўнгги 9 ой ичида компанияга рекорд даражадаги 183 млн доллар даромад келтирди.