Эрон ўз ҳаво ҳудуди орқали Сурияга гуманитар ёрдам олиб кетаётган Россия самолётларининг ўтишига рухсат берди. Бу ҳақда Россиянинг Теҳрондаги элчихонаси матбуот котиби Максим Сусловга таянган ҳолда Интерфакс агентлиги хабар бермоқда.

“Бугунги кунда Россия элчихонаси Сурияга гуманитар ёрдам кўрсатишга йўналтирилган самолётларнинг Эрон ҳаво ҳудудларидан ўтишига рухсатномаларни олди”, - деди у.
Илгарироқ Болгария Сурияга парвоз амалга ошираётган Россия самолётларига ҳарбий ҳаво коридори очиб беришга тайёрлигини мамлакат ташқи ишлар вазири Даниел Митов баён қилган эди. Бунинг учун дастлаб самолётларда юк текшируви ўтказилади.
“Агар россиялик ҳамкасблар бу самолётлар Болгария аэродромида текширувдан ўтказилишига қарши бўлмаса, биз парвозларга рухсат берамиз”, - унинг сўзларини келтиради ТАСС агентлиги.

2011-2012 йилларда ЕИ Кенгаши қарори билан Башар Асад режимига муайян турдаги товарларни етказиб беришга тақиқ қўйилган эди. Бу чекловларга барча ЕИ давлатлари амал қилиши керак. Шунга қарамай, Болгария бу борада Россияга ёрдам беришини айтмоқда.
Ўз навбатида, Россия ФВВ халқаро фаолият департаменти директори ўринбосари Александр Томашов Россия Сурияга гуманитар ёрдам кўрсатишда давом этишини маълум қилди.