Расмий Афина Сурияга парвоз қилаётган Россия самолётларининг Греция осмонидан учиб ўтишига рухсат берди. Бу ҳақда чоршанба, 9 сентябрь куни Россиянинг Грециядаги элчихонаси хабар қилди.

“Россия Федерацияси элчихонаси матбуот хизмати Греция ҳукумати Россия самолётларининг мамлакат ҳаво кенгликларидан учиб ўтишига рухсат берганини тасдиқлайди”, – дейди Афинадаги дипломатик ваколатхонаси вакили.

У Греция Ташқи ишлар вазирлиги Сурия учун ажратилган инсонпарварлик юклари ортилган самолётларнинг парвози учун рухсат берилгани тўғрисидаги нота 2015 йилнинг 31 августида рўйхатга олинганини маълум қилди.