Lufthansa авиакомпанияси учувчилар иш ташлаши сабабли бутун дунё бўйлаб мингдан кўпроқ рейсни бекор қилди, деб хабар бермоқда AirLive нашри.

Пенсияга кетаётган учувчиларга тўловлар борасида касаба уюшма ва компания ўртасида низо юзага келди. Lufthansa учувчилари иш ташлаши 8 сентябрда маҳаллий вақт билан 4.00 дан 20.00 гача давом этди.

Компанияда таъкидланишича, рейсларнинг бекор қилиниши оқибатида жабр кўрган йўловчилар рейсни бошқа санага ўтказишлари ёки уни бепул бекор қилишлари мумкин.
Қайд этилишича, 2014 йил апрелдан авиакомпания пилотлари 12 маротаба иш ташлашган. Авиакомпания ҳисоб-китобларига кўра, иш ташлашлардан кўрилган зиён 300 млн доллардан ошиб кетган.