Ўтган ҳафта мобайнида Ўзбекистон ҳудудида 238 та ёнғин қайд этилган. Бу ҳақда Ўзбекистон ИИВ матбуот хизмати хабар берган.

Турли сабабларга кўра содир бўлган ёнғинларда 3 нафар фуқаро тан жароҳатлари олишган ва 2 нафар фуқаро ҳалок бўлган. Ушбу ёнғинларда 907 млн. сўмдан ортиқ қурилиш материаллари ва 834 млн. сўмга яқин моддий бойликлар сақлаб қолинган.

Бухоро вилояти Ғиждивон туманида яшовчи фуқаро М.Муродовнинг уйида ёш болаларнинг шўхлиги оқибатида ёнин содир бўлиб, уйнинг 50 кв. метр майдонда томи, шифт қисми ва уй жиҳозлари ёниб зарарланган.

Тошкент вилояти Бекобод туманида яшовчи фуқаро Т.Элмуродовнинг уйида ёш болаларнинг шўхлиги оқибатида ёнғин содир бўлиб, уйнинг 80 кв. метр майдонда томи ва шифт қисми ёниб зарарланган.

Фарғона вилояти Бувайда туманида яшовчи фуқаро А.Икромовнинг уйида электр симларнинг қисқа туташуви натижасида ёнғин содир бўлиб, уйнинг 80 кв. метр майдонда томи, шифт қисми ва уй жиҳозлари ёниб зарарланган.