Олма-отада ўз фарзандлари – 8 ва 1,5 ёшли икки қизини 5-қаватдан пастга улоқтирган аёл нима бўлганини эслай олмаяпти. Бу ҳақда унинг онаси маълум қилди. Бундан ташқари, аёл ўз қизи ва набиралари билан охирги марта учрашгани тафсилотлари ҳақида гапириб берди.  

“Бу 21 аср касали – ўз жонига қасд қилишдан бошқа бўлак нарса эмас. Бизда бу вазиятга бошқа ҳеч қандай тушунтириш йўқ. Мен бир неча кун аввал қизимнинг уйида бўлгандим, набираларим билан ўйнадим, уларнинг ҳаётида ҳаммаси рисоладагидек эди. Биз бунда ҳеч кимни, куёвимизни ҳам айбламаймиз. Менинг қизим турмушида ҳеч қандай қийинчилик кўрмаган. Улар ўзларига тўқ яшашган, куёвим фарзандларига жуда ғамхўр эди. Куёвим умуман жуда яхши инсон. Ҳеч қачон улар орасида низолар бўлмаган. Бугун қизим ўзига келди ва нима бўлганини эслай олмаяпти”, деб айтмоқда ҳалок бўлган Ойша Улбосин Илёсқизининг бувиси.

Ушбу оила бошлиғи Саёсат ишлаган Бойкен масжиди имоми Қулмуҳаммад Маханбет ўз ходимининг фожиадан кейинги аҳволига изоҳ бериб ўтди: “Унинг рангида ранг қолмаган эди”, деб айтмоқда имом.

“Саёсат бўлган мудҳиш воқеадан кейин масжидга оғир аҳволда келди. Ўз оиласини йўқотган инсон ҳаттоки базўр қадам босади. Кеча қизчани дафн этдик. Қизчанинг жасадини унинг бувисининг уйидан чиқардик. Дафн маросимида диний бошқарма вакиллари ҳам иштирок этдилар. Биз қўлимиздан келганча Саёсатни қўллаб-қувватлаймиз”, деб айтмоқда имом.

Эслатиб ўтамиз, Қозоғистоннинг жанубий пойтахтида яшовчи Жадира исмли аёл 1,5 ва 8 ёшли икки қизини 5-қаватдаги уйидан ташлаб юборган. Шундан сўнг у ўз жонига қасд қилмоқчи бўлган. 33 ёшли Жадира ўзини деразадан ташлаб юборган, аммо тирик қолган.
8 ёшли Ойша воқеа жойида вафот этди. Жадира 1.5 ёшли қизи билан реанимацияга ётқизилган.