Бугун, 9 сентябрь куни Тошкент шаҳар Онкология диспансери яқинида Ўзбекистон халқ артисти Ўлмас Алихўжаев йўл-транспорт ҳодисасига дуч келди.

Ўзбек киносининг 74 ёшли ёрқин намоёндаларидан бўлган Алихўжаев ўзининг “Нива” русумли автомобилида “Матиз” билан енгил тўқнашув содир қилган.

“Матиз” ҳайдовчисининг айтишича, Алихўжаев унга ўз телефон рақамини бериб, автомобилини созлаб беришни ваъда қилган.

Ўлмас Алихўжаев 1941 йил 30 июнда Урганч шаҳрида таваллуд топган. 1964 йилдан “Ўзбекфильм” киностудиясида фаолият кўрсатиб келади. 40дан зиёд кино ва телефильмларда суратга тушган.

1969 йилда тасвирга олинган “Ўткан кунлар” фильмидаги Отабек, Ҳамза Ҳакимзода Ниёзий ҳаётига бағишланган “Оловли йўллар” фильмида Ҳамза роллари орқали томошабинлар уни яхши эслашади. Шунингдек, Ўлмас Алихўжаев “Тожикфильм”, “Қирғизфильм”, Максим Горкий номидаги киностудияларда ҳам кўплаб ролларни ижро этган.