Россия Тергов қўмитаси бошлиғи Александр Бастрикин “Российская газета” нашрига берган интервьюсида тергов қўмитасида Украина бош вазири Арсений Яценюкнинг Биринчи Чечен урушида жанг қилгани ҳақида маълумотлар мавжудлигини маълум қилди.

“Арсений Яценюк камида иккита – 1994 йил 31 декабрда Грознийдаги Минутка майдонида ва 1995 йилда Грознийдаги 9-сонли шаҳар шифохонасида содир бўлган қуролли тўқнашувларда ҳамда 1995 йил 7 январда Грозний шаҳри Октябрь туманида асирга тушган Россия ҳарбий хизматчиларини қийнашда ва отиб ташлашда иштирок этган”, деб айтмоқда Бастрикин.

Бастрикиннинг айтишича, Яценюк россиялик ҳарбийларни йўқ қилгани учун Жохар Дудаевнинг “Миллат шарафи” мукофоти билан тақдирлаган. Тергов қўмитасида таъкидланишича, Яценюк Чеченистонда дастлаб “Арго”, кейинроқ Александр Музичко бошчилигидаги “Викинг” жазолаш отрядлари сафида жанг қилган.