Украина бош вазири Арсений Яценюк ўзининг чечен урушида иштирок этгани борасида тарқалган гап-сўзларга изоҳ бериб ўтди. Бу ҳақда ТСН нашри хабар тарқатмоқда.

Унинг сўзларига кўра, бу «клиник ташхис қўйиш» бўлган.

«Бу Россия ҳукумати томонидан қилинган клиник ташхис: сталинча адолат, геббелча ташвиқот ва Владимир Путин томонидан тасдиқлаб имзоланган кўриниш», дейди Яценюк.

Эслатиб ўтамиз, аввалроқ, Россия тергов қўмитаси раҳбари Александр Бастрикин Украина бош вазири Арсений Яценюкнинг 1990 йил ўрталарида Россия қуролли кучларига қарши Чеченистон таркибида жанг олиб боргани ҳақида маълум қилганди.