Украина бош вазири Арсений Яценюкнинг матбуот котиби Ольга Лаппо фейсбукдаги саҳифасида Россия тергов қўмитаси раҳбари Александр Бастрикинни руҳий соғломлигини текшириб кўришга чақирди.

“Биз Россия режимига Россия Федерацияси тергов қўмитаси раҳбари Бастрыкинни руҳий текширувдан ўтказишни тавсия қиламиз”, – дея маълум қилган Лаппо.

Бундан аввалроқ Бастрикин Арсений Яценюкнинг 1995 йилда Чеченистонда жанг қилгани ва россиялик ҳарбийларни қўлга олиш ҳамда улани қатл қилишда иштирок этганини маълум қилган эди.