Япониялик бири гуруҳ усталар DeLorean автомобили базасида машҳур  келажакка саёҳат уюштирувчи машина кўринишидаги автони яратишди. Бу ҳақда Asahi нашри хабар тарқатди.

Мазкур лойиҳа устида чиқиндиларни қайта ишлаш компанияси ва DVD-дисклар сотувчи дўконлар тармоғи ҳамкорлигида ишланди. Автомобил нафақат кўриниш жиҳатидан ўша машҳур кинодаги уловга ўхшайди, балки унинг двигатели эски кийимларни қайта ишлаш натижасида олинган биоёқилғи ёрдамида ҳаракатланади. DeLorean салони худди кинодаги каби салон ичидаги турли хил датчикларни, дисплейлар ва вақтни белгилаш функцияларини ҳам ишлаб чиқди.

Махсус автони яратиш учун мутахассислар 1,4 минг турли яроқсиз ёки эскириб қолган кийимларни қайта ишлашди ва улардан махсус биоёқилғи олишди.

Ихтиро муаллифи бу фильмни 30 йил олдин кўрганидан буён ушбу машинани ўзи яратишни орзу қилганини таъкидлаб ўтган. Автомобил 21 октябрга қадар тўлиқ тайёр бўлади. Фильмнинг иккинчи қисмида айнан 2015 йилнинг 21 октябрь кунги келажакка сайр қилиниш воқеаси акс этган.