“Ал-Қоида” террорчи гуруҳи томонидан нашр этиладиган Inspire журналининг янги сони ҳуқуқ-тартибот органларининг хавотирига сабаб бўлмоқда. Ундан таниқли америкалик бизнесменларга ҳужум қилиш чақирувлари ўрин олди.

NBC News берган маълумотга кўра, бошқа “нишон”лар қаторига Microsoft асосчиси Билл Гейтс, миллиардерлар Уоррен Баффет, Чарльз ва Дэвид Кох, Нью-Йоркнинг собиқ ҳокими Майкл Блумберглар кирган.
Нашрда айтилишича, тадбиркорлар АҚШ банкларидаги ҳисобларидан маблағни ечиб олиб, уларни мамлакат ташқарисига инвестиция қилса, рўйхатдан ўчирилиши мумкин. Шунингдек, улардан Исроилни қўллаб-қувватлашга қарши чиқиш талаб қилинмоқда.

9 сентябрь куни “Ал-Қоида” АҚШ бошчилигидаги коалицияга қарши курашда ИШИДга ёрдам беришини маълум қилди.

Ташкилот раҳбари Аймана аз-Завоҳирий Ироқ ва Суриядаги жангарилар ИШИДга кўмак беришини, аммо бу икки ташкилот бирлашмаслигини айтди.

Inspire журнали 2010 йилдан бери чиқарилади. Журнал инглиз тиллидир. Илгари у “Ойингнинг ошхонасида бомба яса” номли мақоласи билан кўп шовшувларга сабаб бўлган эди.