“Калашников” концерни Россияда ўзининг товар белгилари – “Калашников” ва “Kalashnikov”ни рўйхатдан ўтказди. Бу ҳақда концернинг матбуот-баёнотида айтилди. 

“Калашников/Kalashnikov” товар белгиларининг Россия ҳудудида рўйхатдан ўтказилиши бизнинг корхона учун давлатимизда ҳам, хорижда ҳам афсонавий қурол брендини бирлаштириш ва ҳимоя қилишга хизмат қилувчи тарихий воқеа бўлди”, деб айтди “Калашников” концерни бош директори Алексей Криворучко.

Криворучконинг айтишича, компания ўз товар белгисини хорижда рўйхатдан ўтказиш жараёнини бошлади. Компания рус брендидан ноқонуний фойдаланувчи ноинсоф тадбиркорлар билан курашмоқчи.

“Жаҳонга машҳур брендлар каби қароқчилар шак-шубҳасиз “Калашников” маркасининг машҳурлигидан ноқонуний фойда кўриш мақсадида ва шу билан бирга бренд нуфузига зиён етказиб ва охир-оқибат унинг нуфузини тушириб фойдаланишга уринадилар. Бироқ энди “Калашников” концерни ноқонуний маҳсулотларга қарши ҳуқуқий чоралар кўришда барча расмий асосларга эга бўлди”, деб айтди корпоратив имижни бошқариш масалалари бўйича эксперт Патрик Жепсон.