2015 йилда ОТМлар моддий-техника базасини модернизация қилишга 312.4 млрд сўм сарфланади. Ушбу маблағ ёрдамида 15 ОТМда 47 объект ишга туширилади.

Олий ва ўрта махсус таълим вазирлиги матбуот хизматининг маълум қилишича, 2011-2014 йилларда бу мақсадларга 504.6 млрд сўм ажратилган эди. Натижада 21 олийгоҳда 105 объект, шу жумладан, 43 минг ўринли 55 ўқув блоки, 9 минг ўринли 33 талабалар турар жойи ва 13 спорт иншооти ишга туширилган эди.