2018 йилга қадар Ўзбекистонда гидравлик экскаваторлар ишлаб чиқариш ҳажми 400 донага етади.
15 млн долларлик лойиҳа 2015-2017 йилларда “Ўзбекистон темир йўллари” АЖ ва Хитойнинг Xuzhou Construction Machinery Group Co. Ltd корпорацияси ҳамкорлигида Урганчдаги UzXCMG МЧЖ негизида амалга оширилади.

2014 йил 10 майда “Урганч экскаватор” корхонаси негизида Хитой билан ҳамкорликда қўшма корхона ташкил этилган эди. 18.2 млн долларлик лойиҳа асосида Марказий Осиёдаги ягона UzХМG экскаватор ишлаб чиқарувчи қўшма корхона ташкил этилган эди.

Унинг йиллик қуввати 200 дона машинани ташкил қилади. 2014 йили корхона 18.4 млн долларлик жами 155 дона экскаватор ва бульдозерлар ишлаб чиқарди.