Apple компанияси янги бошқарув системаси бўлган 3D Touch’ни қўллаб-қувватлайдиган iPhone 6S ва 6S Plus смартфонларини тақдим этди.

3D Touch системасини Multitouch ва Force Touch функцияларининг ривожланган кўриниши бўлиб, у 2015 йилнинг баҳорида тақдим этилган MacBook’да ўрнатилган эди.

3D Touch бармоқ босиши кучини аниқлаб, фойдаланувчига бирор бир белгини босиб туриш орқали қўшимча менюни чақириш имконини беради.

Ундан ўйин ўйнаш жараёнида ҳам фойдаланиш мумкин бўлади.

Бундан ташқари, Apple ўз қурилмалари қаторига янги ранг – Rose Gold’ни қўшди. 2015 йилда тақдим этилган смартфонларнинг корпуси 2014 йилда чиқарилган қурилмаларга нисбатан мустаҳкамроқ қилиб ясалган.

Овозли ёрдамчи бўлган Siri энди исталган вақтда “Hey, Siri” командаси орқали ишга туширилади.

iPhone 6S ва 6S Plus’га ҳаракат датчиклари билан бирлаштирилган янги процессор ўрнатилган.

Шунингдек Apple асосий камерани ҳам янгилади. У энди тезлаштирилган автофокусга эга 12 Мп.ли камерага айланди. Энди унинг ёрдамида 4К форматидаги видеоларни суратга олиш мумкин.

Олд камера ҳам 5 Мп.га ўзгарди. Бундан ташқари, Apple Live Photo функцияси ҳам қўшди. Унинг ёрдамида сурат олинишига қадар бўлган 1,5 сония ҳамда сурат олингандан кейинги 1,5 сонияни сақлаб қолади. Суратни узоқ вақт босиб туриш орқали ушбу видеороликни кўриш мумкин.