Ирландиялик футболчи ўз жамоаси ўйини бошланганидан твиттер орқали хабар топди

Спорт 10 Сентябрь 2015 2013

Ирландиянинг “Лонгфорд Таун” жамоаси футболчиси Пэт Флинн ўз жамоасининг ўйинини ёддан чиқариб, ўйин бўлиб ўтаётгани ҳақида жамоанинг расмий твиттеридан хабар топди. Бу ҳақда The Daily Mirror нашри маълум қилди.

Жамоа твиттерида Лейнстер вилояти кубогининг чоракфиналида “Шэмрок Роверз”га қарши учрашув ҳақида “ҳозирча ҳисоб очилмагани” ҳақида оддий хабар жойлаштирилди. Кутилмаганда бу хабар остида Флиннинг “Ҳазиллашяпсизми? Бугун учрашувимиз бормиди?” деган ёзуви пайдо бўлди. У тезда ўз хатосини тўғрилаб, “Мен йўлга отландим, йигитлар”, деб қўшимча қилиб қўйди.

Флиннинг бу хаёлпарастлиги унинг фаолиятига таъсир қилиши даргумон, чунки у жароҳати туфайли барибир майдонга туша олмасди. Бироқ бу ҳолат “Шэмрок Роверз” томонидан беэътибор қолмади: жамоа вакилларининг ўйинчи стадионга қачон етиб келиши ҳақидаги саволларига “15 дақиқада” дея жавоб олганларидан кейин, “Ҳаммаси тугаб бўлди Пэт. Биз ютдик” деб кинояли жавоб беришди.

Лекин бу ўйин “Лонгфорд Таун” жамоасининг 1:0 ҳисобидаги ғалабаси билан якунланган ва жамоа кейинги босқичга чиққан.

“Лонгфорд Таун” жамоаси 1924 йилда ташкил топган бўлиб, уй майдони 6.5 минг кишини сиғдира оладиган “Фланкаре Парк” ҳисобланади. Айни пайтда жамоа Ирландиянинг 2-двизионида иштирок этади. Клубнинг бош ютуқлари унинг 2003 ва 2004 йиллардаги Ирландия кубогидаги ғалабалари ҳисобланади.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 53182 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 4772 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 108717 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 10468 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20864 Ўзбекистон
АҚШ: Венесуэлада ҳокимият куч билан қўлга олинди
10:30 4 Жаҳон
Бундеслига. «Бавария» мавсумни ғалаба билан бошлади
10:20 51 Спорт
Ҳиндистон, Непал ва Бангладешдаги кучли тошқинлар 500 кишининг умрини олиб кетди 
10:10 491 Жаҳон
ФИФА мусобақасида илк марта аёл ҳакамлар ишлайди
10:00 521 Спорт
Съёмка вақтида ҳаёт билан видолашишига сал қолган 6 актёр
09:59 3007 Lifestyle
Кўпроқ янгиликлар