АҚШ президенти Барак Обама ўз турмуш ўртоғи Мишель Обама билан 22 сентябрь куни Мэриленд штатидаги Эндрюс ҳарбий-ҳаво базасига қўнувчи Рим папаси бўлган самолётни кутиб олишга чиқади. Бу ҳақда Оқ уй матбуот котиби ёрдамчиси Эрик Шульц маълум қилди.

“Обама ва АҚШнинг биринчи хоними Рим папаси Францискни 22 сентябрь куни базада кутиб олади. Кейинги, 23 сентябрь куни понтифик Оқ уйга ташриф буюради”, – деди у журналистларга.

Шульцнинг қайд этишича, АҚШга учиб келувчи чет эллик етакчиларни давлат раҳбарининг ўзи кутиб олишга мажбур эмас. Бироқ кичик Жорж Буш ҳам 2008 йили Рим папаси Бенедиктни Эндрю базасида қарши олган эди.

266- Рим папаси АҚШдан дарҳол Кубага апостол ташрифи билан боради. Франциск Оқ уйга ташриф буюриб, Обама билан шахсан учрашган учинчи Рим папаси бўлади. У 24 сентябрь куни Америка қонунчилик органининг ҳар икки палатаси мажлисида нутқ сўзлайди.

Айрим маълумотларга кўра, Рим папаси 25 сентябрь куни Нью-Йорк шаҳрида бўлиб, БМТга ўз мурожаатини тақдим этиши кутилмоқда.