Россия Давлат думасининг халқаро ишлар бўйича раиси Алексей Пушков Буюк Британия ташқи сиёсат борасида деярли АҚШнинг 52-штатига айланган, деб айтди.

“Европада ўзининг субъективлигидан тўлиқ воз кечишга тайёр давлатлар мавжуд. Булар Болтиқбўйи давлатлари, Болгария, Руминия, Буюк Британия. Буюк Британия, менимча, ҳеч нарсага даъвогарлик қилмайди, у ташқи сиёсат борасида деярли АҚШнинг 52- ёки 53-штати ҳисобланади”, деб айтди сиёсатчи “Коммерсант ФМ” радиостанцияси эфирида.

Шу билан бирга Пушков Европа Иттифоқида ўзининг “европача қараши”га эга бўлган Италия, Австрия, Словакия каби давлатлар борлигига эътиборни қаратди.