Чеченистон раҳбари Рамзон Қодиров “ВКонтакте” ижтимоий тармоғида бош прокуратуранинг айбловларига жавоб берди.

Маълумки, прокуратура Рамзон Қодировни “Аллоҳга дуо: унинг исломдаги ўрни ва аҳамияти” номли китобни экстремистик деб тан олган суд қарорини танқид остига олиб, судьяларни ва прокурорларни ҳақорат қилганликда айблаган эди.
“Жавоб оммага маълум бўлишини истамаган эдингизми? Йўқ, эртага бу ҳақда бутун дунё билади. Бош прокуратуранинг “ҳуқуқий масалаларни фақат ҳуқуқий майдонда” ҳал қилиш ҳақидаги маслаҳати жуда ғалатидир, чунки суднинг Қуръон ҳақидаги қарори ҳуқуқий эмас. Мен, қонунда кўзда тутилганидек, апелляцияга бердим”, - деб ёзди Қодиров ўз саҳифасида.

Шунингдек, у Қуръонни экстремистик китоб деб тан олиш судья ва прокурорнинг профессионал фаолиятига алоқадор эмаслигини, “улар Россия қонунлари ва манфаатларини ҳимоя қилиш ўрнига аҳмоқона қарорлари билан хавфсизлик ва барқарорлик асосларига болта уриши”ни таъкидлади.