Чеченистон раҳбари Рамзон Қодиров Жанубий Сахалин судининг Қуръоннинг айрим сураларини экстремистик материал деб тан олиш ҳақидаги қарорига апелляция берди. Бу ҳақда у ижтимоий тармоқлар орқали маълум қилди.

“Жавоб оммага маълум бўлишини истамаган эдингизми? Йўқ, эртага бу ҳақда бутун дунё билади. Бош прокуратуранинг “ҳуқуқий масалаларни фақат ҳуқуқий майдонда” ҳал қилиш ҳақидаги маслаҳати жуда ғалатидир, чунки суднинг Қуръон ҳақидаги қарори ҳуқуқий эмас. Мен, қонунда кўзда тутилганидек, апелляцияга бердим”, - деб ёзди Қодиров ўз саҳифасида.
Илгарироқ у бош прокуратуранинг танқидига жавоб берган эди. Маълумки, Қодиров ушбу суд жараёнида қабул қилинган қарорга алоқадор судьялар ва прокурорларни “шайтонлар ва провокаторлар” деб атаган эди. Бу, ўз навбатида, бош прокуратуранинг эътирозларига сабаб бўлди.

“Мен Қуръонни “экстремистик” деб тан олиш ҳақидаги қарорни қабул қилган судья ва прокурорни шайтонлар ва провокаторлар деб атадим. Ҳужжат уларнинг профессионал фаолиятига ҳеч қанақасига алоқадор эмас. Улар Россия қонунлари ва манфаатларини ҳимоя қилиш ўрнига аҳмоқона қарорлари билан хавфсизлик ва барқарорлик асосларига болта урмоқда”, - таъкидлади Чеченистон етакчиси.