2016 йилда Қозоғистонда меҳмонхона кўринишидаги поезд ишга туширилиши режалаштирилмоқда. Меҳмонхона-поезд Остонага ташриф буюрган ҳолда Хўргўс-Олма-ота-Тароз-Чимкент-Туркистон-Қизилўрда-Бойқўнғир йўналиши бўйича ҳаракатланади.

Ушбу лойиҳа ташаббусчиси сифатида “Турон Экспресс” темир йўл йўловчи компанияси чиқмоқда.

Ташаббусчилар бу лойиҳанинг муваффақиятли бўлишига шубҳа қилишмаяпти. Компания 2013 йилда Олма-ота-Олакўл кўли-Дўстиқ йўналиши бўйича сайёҳлик поездларини ишга туширган эди. Бу сайёҳлик йўналишларига талаб юқори бўлган.

Шунингдек, компания ўз ташишлари географияси ва хизмат турлари кўламини кенгайтиришга қарор қилди. Хусусан, лойиҳада Қозоғистон ва Марказий Осиёнинг тарихий ва маданий диққатга сазовор жойлари бўйлаб «Гранд де Люкс», ётоқ вагонлари, купе ва бошқа вагонлардан ташкил топган поездларда сайр қилиш кўзда тутилган.

Лойиҳа ташаббусчиси солиқ имтиёзлари, ташишларни субсидиялаш ва имтиёзли кредитлаш борасида давлат кўмак беришига умид билдирмоқда.

Ўз навбатида Қозоғистон инвестициялар ва ривожланиш вазирлигида яқин орада давлат кўмаги чоралари, жумладан ривожлантириш институтлари томонидан, тақдим қилиниши имконияти кўриб чиқилиши маълум қилинди.

“Бундан сафарлар, айниқса “Ипак йўли” доирасида, таътил кунларида мактаб ўқувчиларига фойдали бўлади. Бу ўз халқи тарихи ва маданияти ҳақида қўшимча маълумот олиш ва болалар ёзги ҳордиғини ташкиллаштириш масаласининг ҳал қилинишидир”, деб айтди вазир Асат Исекешев.