Чеченистон раҳбари Рамзон Қодиров Муҳаммад пайғамбар (с.а.в.) қонларининг бир қисми бўлган қон қуйилганини таъкидламоқда. Бу ҳақда у “ВКонтакте” ижтимоий тармоғидаги саҳифасида маълум қилди.

“Сизлар билан катта хурсандчилик билан бўлишмоқчиман! Менинг уйимда жуда қадрли инсонлар – Муҳаммад (с.а.в.) пайғамбаримизнинг авлодлари, бутун дунёда ҳурмат ва эъзоз қилинадиган шайх Хабиб Али Жифрий ва Итум-Калин тумани уламоси Саид-Салим Адагов меҳмон бўлишди. Имонлари софлиги, Қуръон меъёрлари ва пайғамбаримиз суннатларига сидқидилдан амал қилиш бўйича улар Аллоҳга яқин инсонлар ҳисобланадилар. Меҳмонлар ислом ҳақида кўп қизиқ ва бебаҳо нарсалар ҳақида гапириб бердилар. Шайх Хабиб Али Жифрий менга Аллоҳнинг расули Муҳаммад (с.а.в.) қонининг бир қисми ҳисобланадиган ўз қонидан қуйиб ўтказди”, деб ёзади Қодиров.

Қодировнинг айтишича, у бундан кейин “дунёдаги энг бахтли одамга айланди”.