Россия муфтийлар кенгаши ҳамраиси Нафигулла Аширов “Мольба (дуа) к богу: ее значение и место в исламе” (“Аллоҳга дуо: унинг исломдаги аҳамияти ва ўрни”) китоби бўйича суднинг чиқарган қарори устидан шикоят қилинишини маълум қилди. Бу ҳақда у “Говорит Москва” радиостанциясига берган интервьюсида айтиб ўтди. 

“Дунёвий суд, зиёли одамлар диний масалалар, айниқса диний мантлар борасида дин арбобларини жалб қилмаган ҳолда қарор чиқармасликлари керак. Бу ерда эса катта хатога йўл қўйилган”, деб айтди Аширов.

Аширов бу масала юзасидан ҳуқуқий жиҳатдан шикоят қилиш бўйича апелляция тайёрланганини таъкидлаб ўтди. Даъво шикояти 10 сентябрда судга юборилади.

“Бу ҳолат мамлакатимизнинг нуфузига путур етказади, биз кулгига қоламиз. Ўйлайманки, теран фикр устун чиқиб, қарор бекор қилинади”, деб қўшимча қилиб ўтди Аширов.

Аширов Чеченистон раҳбари Рамзон Қодировнинг бу қарор юзасидан айтган танқидий фикрлари қизиққонлик устида айтиб юборилганини таъкидлади.