10 сентябрдан пойтахтимизда “Тоза ҳаво” операциясининг иккинчи босқичига старт берилди.

Табиатни муҳофаза қилиш давлат қўмитаси матбуот хизматининг хабар беришича, назорат тадбирлари кўчиб юрувчи ифлослантирувчи манбалар устидан давлат назоратини ўрнатиш, автотранспорт воситаларининг атроф-муҳит ва аҳоли саломатлигига салбий таъсирини камайтириш, фуқаролар ва ташкилотларнинг табиатни муҳофаза қилиш соҳасидаги қонунларга риоя қилишларини таъминлашга йўналтирилган.

“Тоза ҳаво” операцияси Табиатни муҳофаза қилиш давлат қўмитаси, Ички ишлар вазирлигининг Йўл ҳаракати хавфсизлиги бошқармаси ҳамда Соғлиқни сақлаш вазирлигининг Давлат санитария-эпидемиология назорат маркази ҳамкорлигида ўтказилади.

Автотранспорт воситалари чиқараётган газлар “Ўзстандарт” агентлиги томонидан давлат текширувидан ўтказилган газ таҳлил қилиш ускуналари ёрдамида текширувдан ўтказилади.