АҚШ ҳукуматнинг 10 минг нафар суриялик қочқинларни қабул қилишга қарор қилганлиги сабабли қўшимча молиявий мажбуриятлар ҳамда хавфсизлик борасидаги дастлабки чора тадбирларни кўриши лозим, деб хабар бермоқда Reuters.

Бу ҳақда Оқ уйнинг матбуот-котиби Жош Эрнест маълум қилди.
Унинг сўзларига қараганда, АҚШ президенти Барак Обама федерал агентликдан қочқинлар келишига тайёргарлик кўришни сўраган.

Аввалроқ Оқ уй Европага қочқинлар борасида ёрдам бериш масаласини кўриб чиқиши ҳақида хабар берилган эди. Маълум бўлишича, АҚШ Сурияга умумий ҳисобда 4 млрд доллардан ошиқроқ гуманитар ёрдам кўрсатган ва унинг 1 млрд доллари 2015 йилда амалга оширилган.