АҚШнинг Лас-Вегас шаҳрида Бразилиянинг Рио-де-Жанейро шаҳрида бўлиб ўтадиган 2016 йилги Олимпиада ўйинларига йўлланма берувчи эркин, юнон-рум ва хотин-қизлар кураши бўйича катталар ўртасидаги жаҳон чемпионати давом этмоқда.

10 сентябрь куни Ўзбекистон терма жамоаси аъзоси Ихтиёр Наврўзов ярим финалда эркин кураш бўйича амалдаги жаҳон чемпиони, россиялик Саслан Рамановни енгиб турнир финалига йўл олди.

65 кг вазн тоифасидаги спортчиларнинг беллашуви 30 сониядаёқ Наврўзовнинг рақибини таслим этиши билан якунланган.

Энди финалда Ихтиёр Наврўзов италиялик Франк Чамизога қарши гиламга чиқади. Чамизо ярим финалда 2014 йилги ЖЧ финалчиси, эронлик Сайёд Муҳаммадни енгган.

Шу тариқа, ушбу икки курашчи ҳам ўз фаолиятида илк бор ЖЧ финалига чиқди.

Эслатиб ўтамиз, Ўзбекистон терма жамоасининг ушбу турнирдаги илк медалини юнон-рум кураши бўйича мусобақада иштирок этган Рустам Ассакалов (кумуш) олиб берганди.